नेकपा माओवादी केन्द्र म्याग्दीका नेताहरुको टोलीले आइतबार काठमाडौमा पार्टीका अध्यक्ष एवम् पुर्व प्रधानमन्त्री पुष्पकमल दाहाल (प्रचण्ड)सँग भेटघाट गर्नुभएको छ ।
माओवादी केन्द्र म्याग्दीका जिल्ला संयोजक सेरबहादुर केसीको नेतृत्वको टोलीले अध्यक्ष प्रचण्ड र महासचिव देव गुरुङसँग भेटघाट गर्नुभएको हो । भेटमा माओवादी केन्द्रका गण्डकी प्रदेश सहसचिव टेकबहादुर बिक, प्रदेश सांसद तथा पुर्व मन्त्री रेशम बहादुर जुग्जाली, विशेष प्रदेश सदस्य अर्जुन थापा, धनलाल जैसी लगायत नेताहरु सहभागी हुनुभएको थियो ।
भेटमा सहभागी माओवादी केन्द्रका युवा नेता समेत रहेका धवलागिरी गाउँपालिकाका उपाध्यक्ष रेशम पुन मगरले अध्यक्ष प्रचण्डसँग समसामयिक राजनीतिक घटनाक्रम र जिल्लाको बस्तु अवस्थाको विषयमा छलफल भएको बताउनुभयो ।
अध्यक्ष प्रचण्डले आफू सरकारको नेतृत्वमा रहँदा भ्रष्ट्राचार न्युनीकरणका लागि गरेका कामबाट डराएर सरकारबाट हटाइएको बताउदै जनतासँग जान र उनिहरुका समस्याको पक्षमा आवाज उठाउन आग्रह गर्नुभयो ।
