तत्कालीन विद्रोही नेकपा माओवादीले म्याग्दी सदरमुकाम बेनी आक्रमणमा छियाछिया भएको बिजुलीको (खम्बा) मदन पुस्तकालय गुठीको हाताभित्र रहेको यालमाया केन्द्रले बेनी नगरपालिकालाई फिर्ता दिएको छ ।
मानव अधिकारकर्मी कनकमणि दीक्षितले सामाजिक सञ्जाल एक्समा बिहिबार लेख्दै पोल संरक्षणको योजना बनाएकोमा बेनी नगरपालिकालाई धन्यवाद समेत दिएका छन्।
बि.स २०६७ साल असोज २१ गते बेनीको मंगलाघाट जाने बाटोमा तत्कालीन सेनाको ब्यारेक अगाडि दोहोरो भिडन्तमा गोली लागेर छियाछिया बनेको पोल सुटुक्क लगेपछि फिर्ताका अनेक प्रयास सफल भएको थिएन ।
केन्द्रका सञ्चालक दिक्षितसँग युद्धको सन्देश नदिने र शान्तिको कामना गर्ने गरी राख्ने गरी दिने प्रतिबद्धता जनाएपछि पोल फिर्ताको प्रक्रिया सुरु भएको थियो
पोल लिन बेनी नगरपालिकाका नगर प्रहरी प्रमुख शंकर पौडेल सहितको टोली केन्द्रमा पुगेका छन् । बि.स २०६० चैत्र ७ गते तत्कालिन समयमा माओवादीले बेनी आक्रमण गरेको २० बर्ष पूरा हुदैछ ।
युद्धका अवशेषहरू नयाँ पुस्ता र विदेशीलाई युद्ध सङ्ग्रहालय मार्फत आकर्षित गर्ने योजना रहेको बेनी नगरपालिका प्रमुख सुरत केसीले बताए ।
पोल फिर्ता ल्याउन पहल गर्नुको साथै शान्ति पार्क बनाउने र पोल राख्ने बजेट सुनिश्चित गराउँदै नगरपालिकाले चासो देखाएको थियो ।
बेनी नगरपालिकाले ७ नम्बर वडाको वीरेन्द्रचोकमा निर्माण गर्न लागेको शान्ति पार्कमा ‘द्वन्द्वकालीन युद्ध स्मारक’ का रूपमा संरक्षित गर्न चाहेकोले पोल फिर्ता गरिदिन जिल्ला समन्वय समितिमार्फत मदन पुरस्कार पुस्तकालयलाई पत्राचार गरिएको थियो ।
डिभिजन बन कार्यालयसँगै जोडिएको सार्वजनिक र बराहपाखो सामुदायिक बनको करिब १० रोपनी क्षेत्रफलमा शान्ति पार्क र चिल्ड्रेन पार्क बनाउने र बेनी नगरपालिकाले विस्तृत परियोजना प्रतिवेदन (डिपिआर) तयार गरी संरचना बनाउने गरी अगाडी बढेको छ । यसका लागि मोना अन्तराष्ट्रियले समेत चासो देखाएको छ ।
बेनी आक्रमणमा माओवादीका ९ वटा बटालियनका ४ हजार ५ सय लडाकु र १ हजार ९ सय स्वयंसेवक संलग्न थिए । माओवादीले बेनी आक्रमणमा ६६ वटा एके–४७ राइफल प्रयोग गरेका थिए ।तत्कालीन माओवादी र राज्य बिच सबैभन्दा ठुलो आक्रमण बेनीमा भएको थियो। बेनी आक्रमणको १९ वर्ष पूरा भएको छ।
