मंगोल नेशनल अर्गनाइजेशनले जिल्लाको सबै स्थानीय तहमा उम्मेदवारी दर्ता गराएको छ । जिल्लाको सबै स्थानीय तहमा रहेको मुख्य निर्वाचन अधिकृतको कार्यालयमा पुगेर प्रमुख, उपप्रमुख, वडा अध्यक्ष र सदस्य सहितका पदमा मनोनयन दर्ता गराएको हो ।
‘मुलवासी मंगोल जगाऔं । अस्तित्व बचाऔं’ भन्ने अभियानका साथ म्याग्दीमा पहिलोपटक चुनावमा होमिएको मंगोल नेशनलले बेनी नगरपालिकाको मेयरमा नरबहादुर थापा,उपमेयर बिवा आले, वडा नं १ रत्नेचौरमा बाल थापा, वडा नं ३ भकिम्ली दिपक पुनको सोमबार जिससको सभाहलमा उम्मेदवारी दर्ता गरेको छ ।
त्यस्तै मालिका गाउँपालिका प्रमुख खमबहादुर रोका,उपप्रमुख धनदेवी बुढा, वडा नं १ अध्यक्षमा कुशल पुन, वडा नं २ प्रेम रोका, वडा नं ३ ज्ञानबहादुर पुन, वडा नं ४ दलप्रसाद घर्ती, वडा नं ५ बुद्धिप्रसाद फगामी र वडा नं ६ बुलप्रसाद रोकाको उम्मेदवारी दर्ता भएको जिल्ला अध्यक्ष डेकबहादुर पुन (डिके पुन)ले बताए ।
त्यस्तै धवलागिरी गाउँपालिका अध्यक्षमा सकबहादुर पुन, उपप्रमुख थममायाँ रोका, वडा नं ३ अध्यक्षमा प्रेमबहादुर पुन, सदस्यहरूमा लालप्रसाद सिर्पाली, युगलाल सुनार, महिला सदस्य बालकुमारी सिर्पाली, जसदेवी बिक रहेका छन् । मुनामा मंगोलले वडामा प्यानलै उम्मेदवारी दिएको अध्यक्ष पुनले बताए । त्यस्तै वडा नं ४ दलप्रसाद विक, वडा नं ७ बलबहादुर गर्बुजा रहेका छन् ।
मंगला गाउँपालिका अध्यक्षमा गिरीबहादुर रोकाको मनोनयन दर्ता भएको छ भने अन्नपूर्ण गाउँपालिका अध्यक्षमा रामबहादुर गर्बुजा,उपप्रमुख एलिना शेरपुञ्जालक्ष्मण पुर्जा, वडा नं ५ मा डमबहादुर पुन, वडा नं ६ प्रेमबहादुर पुर्जा र वडा नं ७ गेमबहादुर बुढाले उम्मेदवारी दर्ता गरेका छन् ।
रघुगंगा गाउँपालिकामो विभिन्न १० पदमा उम्मेदवारी दर्ता गराएका छन् ।गाउँपालिका अध्यक्षमा तुलप्रसाद गर्वुजा, वडा नम्बर १ को अध्यक्षमा भिमकुमार पुन, सदस्यहरूमा टकबहादुर पुर्जा, मनमायाँ विक, वडा नम्बर ४ मा अध्यक्षमा भरत गर्वुजा, सदस्यमा जालमायाँ विक, वडा नम्बर ५ झिँमा वडा अध्यक्षमा पदम शेरपुञ्जा, वडा नम्बर ६ पाखापानीमा वडा अध्यक्षमा प्रकाश पाईजा र वडा सदस्यमा पोविक विक,वडा नम्बर ७ चिमखोलामा वडा अध्यक्षमा गगन पुनको उम्मेदवारी दर्ता भएको छ।
