म्याग्दीको मंगला गाउँपालिका–३, खानीगाउँस्थित सामुदायिक बनमा भिषण आगलागी भएको छ। नजिकै रहेको खेतबारीमा पातपतिङ्गर बतुलेर (फुट) लगाउने क्रममा हावाको वेगको कारण वनमा एक्कासी भीषण आगलागी हुँदा शसस्त्र प्रहरी, नेपाल प्रहरी र स्थानीयबासीको सहयोगमा निभाउने प्रयासमा स्थानीय युवाहरु जुटेपनि नियन्त्रणमा आउन सकेको स्थानीय यूवा गम रोकाले जानकारी दिए ।
आगलागीबाट मानवीय क्षतीको सम्भावना नभएपनि थप क्षती हुन नदिन आगामी दिनमा अग्नीरेखा बनाएर नियन्त्रणको प्रयास गर्ने स्थानीयको भनाई छ । डढेलो लागिरहेकाले कति क्षेत्रफलको जंगलमा आगलागी भयो भन्ने अझै यकिन भइसकेको छैन्। म्याग्दीमा यसबर्ष करिब १३ सय हेक्टर आगोलागीबाट सखाप भएको छ । दर्पण रोका÷म्याग्दी
