म्याग्दी प्रवासी नेपाली संघ (मोना) आईसीले साउदी अरवको जेलमा रहेका मालिका गाउँपालिका–६ दिच्यामका राजकुमार निउरेको घर फिर्ती अभियान सुरू गर्ने भएको छ।

मोना आइसीको शुक्रबार बसेको अनलाइन बैठकमार्फत हत्याको आरोपमा ६ बर्षदेखि साउदी जेलमा रहेका निउरेको घर फिर्ती अभियानलाई आवश्यक पर्ने आर्थिक जुटाउन मोना आइसीका उपाध्यक्ष आशा पाइजाको संयोजकत्वमा सचिव रमेश पौडेल र कोषाध्यक्ष मुक्ति राको सदस्य रहेको तीन सदस्यी समिति गठन गरेको महासचिव विक्रम कार्कीले बताए ।

‘बैठकमा अध्यक्षमार्फत धेरै विषयमा जानकारी भयो,‘हामीले बैठकका निर्णयलाई कार्यान्वयनमा जोड दिएका छौ’ कार्कीले भने । बैठका विषेशगरी २०६८ साल जेठ २ गते साउदी अरबमा पुगेका निउरे मोरङ जिल्लाका कमल वस्तीको हत्याको आरोपमा तोकिएको पाँचबर्षे सजायको कैद भुक्तान गरेपनि आवश्यक कागजात र मृतकका आफन्तले माग गरेको ब्लड मनी (क्षतीपूर्ति) तिर्न नसक्दा जेलभित्रै रहेका निउरेलाई घर फिर्ति अभियानमा सम्पूर्ण एनसीसीलाई जानकारी गराउने र आर्थिक संकलनलाई तिब्रता दिनेमा केन्द्रित भएको थियो ।

मृतकका परिवारले ३० लाख नेपाली क्षर्तीपुर्ती माग गरेका छन् । कमजोर पारिवारिक अवस्थाका कारण जीविकोपार्जनका लागि आर्थिकस्रोत जुटाउन २०६८ साल जेठ २ गते साउदी अरबमा पुगेका निउरे मोरङ जिल्लाका कमल वस्तीको हत्याको आरोपमा तोकिएको पाँचबर्षे सजायको कैद भुक्तान गरेपनि आवश्यक कागजात र मृतकका आफन्तले माग गरेको ब्लड मनी (क्षतीपूर्ति) तिर्न नसक्दा जेलभित्रै रहेको समाचार बेनीअनलाइन र बेनी साप्ताहिकले प्रकाशित गरेको थियो ।

उनलाई घर फिर्ती अभियानमा पछिल्लो समय काठमाण्डौबाट बलभद्र ढकालले समेत कागजी प्रक्रियामा सहयोग गरेका छन् । बैठकमा अध्यक्ष जुग्जालीले विश्वभर रहेका म्याग्देलीहरुमाझ मोनाका गतिविधिहरूलाई विस्तार गर्ने, तेस्रो महाधिवेनमार्फत जारी घोषणापत्रलाई कार्यान्वयन गर्ने लगाएत संस्थागत गतिविधि, नेपालमा मोनामार्फत गरिएका कार्यहरुका बारेमा समेत जानकारी गराएका थिए । बैठकमा मोना आइसीका पदाधिकारी, सदस्य लगाएतको उपस्थिती रहेको थियो ।