बेनी नगरपालिका वडा नं ६ ले वडाको विकास निर्माण र सेवा प्रवाहका विषयमा समाचारमार्फत सर्वसाधारणलाई सुसूचित गराएको भन्दै पत्रकार धु्रबसागर शर्मा र सन्तोष गौतमलाई सम्मान गरेको छ ।मंगलवार एक कार्यक्रमको आयोजना गरी वडा कार्यालयले पत्रकार शर्मा, गौतम सहित सहकारीका अभियन्ता बागलुङका रामवहादुर जिसी र बेनी नगरपालिकाका प्राविधिक हरि आचार्यलार्ई नगद सहित सम्मानपत्रले सम्मान गरेको हो । 
कार्यक्रममा प्रमुख अतिथी बेनी नगरपालिकाका प्रवक्ता एवम् वडा नं ८ का वडाअध्यक्ष रामकृष्ण बराइलीले नगरपालिकाको ६ नम्वर वडाले गरेका कामहरु उदाहरणीय रहेका वताउँदै संचारमाध्यमहरुले पनि सकारात्मक कामप्रति सहयोग र जनहित विपरितका कामहरुमा खवरदारी गर्नुपर्ने बताए ।कार्यक्रममा वडाअध्यक्ष कृष्णवहादुर बानियाँले वडाले तत्काल लागु हुने गरि वडा भित्र बिहानदेखि दिउसो ४ बजेसम्म मदिरा तथा सुर्तिजन्य पदार्थहरु बेचबिखन र सेवनमा प्रतिबन्द लगाइएको बताए । 
वडाअध्यक्ष बानियाँले मदिरा तथा सुर्तिजन्य पदार्थले समाजमा शान्ति, अमनचयनमा खलल पु¥याउने र बिभिन्न खाले सामाजिक बिकृति उत्पन्न हुने भएकाले प्रतिबन्ध गरिएको बताउनुभयो । 
सम्मानितहरुले वडाप्रति आभार प्रकट व्यतm गर्नुहुदै सम्मानले आफुहरुलाइ थप उर्जा थपेको बताउदै कर्मनिष्ठ भएर अगाडि बढ्ने प्रतिबद्धता व्यतm गरे ।कार्यक्रम वडाअध्यक्ष बानियाँको अध्यक्षता,वडा सदस्य दयासागर शर्माको स्वागत र सचिव सगुन कसजुको संचालनमा सम्पन्न भएको थियो ।
