अन्नपूर्ण गाउँपालिका–४ नारच्याङका १७ बर्षिय बिशाल बुदुजाको उपचारमा दक्षिण कोरियामा आर्थिक सहयोग संकलन गरिएको छ । मुखको हड्डीमा गम्भीर समस्या देखिएपछि उपचार गराइरहेका बुदुजाको उपचारमा दुर्गा फगामीको पहलमा ६५ हजार संकलन भएको ओमकुमारी शान्ति कोषका सचिव लोकेश पुनले बताए ।
विगत एकबर्ष देखी मुखकोे बङगारा दुख्ने, दाँया तर्फको गालामा खाडल र हड्डी समेत खिजिएपछि आर्थिक अभावका कारण उपचारबाट बन्चित भएका थिए । मुखको हड्डीमा समस्या देखिएकाले नियमित उपचार र अप्रेसन सहित धेरै खर्च लाग्ने चिकित्सकले बताएका छन् । अमेरिकाबाट सुरु भएको अभियानमा कुवेत, कतार, कोरिया, जापान लगाएतका देशमा आर्थिक संकलन भइरहेको छ ।
